 |
 |
Redaction, compilation e exhibition del appletes
Redaction
On pote rediger le appletes java con un simple (le plus simple possibile) editor de texto : SimpleText sur Mac, Notepad sur Windows.
Attention : donar a ille schedario le nomine del applet (indispensabile) e registrar con le extension .java !
Per exemplo, si le applet ha le nomine xxxx, vos debe registrar le schedario sub le nomine xxxx.java.
Postea vos debe compilar ille schedario .java pro obtener un schedario .class. Le plus simple es utilisar le compilator fornite per Sun con le kit de disveloppamento Java. Totevia vos pote etiam utilisar un ver software de programmation, como CodeWarrior sur Macintosh, o BlueJ, que es gratuite e functiona super multe machinas.
Infra, qualque indicationes super le kit de disveloppamento Java de Sun.
Le JDK 1.0.2
Le codice fonte que vos trovara super ille paginas es in Java 1.0.2 : vos ne pote compilar lo con un altere version !
Le kit de disveloppamento Java es disponibile gratis super le pagina :
http://java.sun.com/products/archive/jdk/1.0.2/index.html
Compilation
Le prime vice, vos debe in prime loco installar le compilator (e le alteres applicationes fornite con le JDK).
Sur Macintosh
Sur Macintosh, le installation del kit de disveloppamento es automatic : clicca duo vices sur le icone del installator que vos ha cargate e il es finite !
Pro compilar le schedario .java, il es sufficiente de tirar e poner su icone a super illo del compilator (etiam passante de un fenestra a un altere). Un schedario .class es create in le mesme dossier que le schedario .java.
Solamente le schedario .class essera postea utilisate. Le schedario .java servi solamente a la preparation del appletes.
Sur PC
Sur PC, il es multo plus complicate. Ecce, in imagines, le passos que vos debe sequer sub Windows XP :
1. Carga le JDK e clicca duo vices super le icone del installator.
2. Quando le installation es terminate (il es multo rapide), clicca super le icone de vostre Ordinator e, premente le button dextere del mure, aperi su Proprietates.
3. Clicca super le topico Avantiate, postea super Variabiles de ambiente.
4. In Variabiles de ambiente, clicca infra super Path, postea super Modificar.
5. Adder al fin del linea le cammino verso le dossier bin create durante le installation del JDK. Mitte ben un ; ante le cammino : le instructiones in Path es separate per un ;
6. Relancea le ordinator.
7. Finalmente, vos pote commenciar a compilar. Pro illo, lancea le emulation MS-DOS (command.exe), loca vos in le dossier ubi es vostre schedario .java (per le vetule commando cd secute per le nomine de cata dossier), postea entra le commando javac secute per le nomine del schedario .java. Si toto se passa ben, vos vide nihil : le schedario es compilate e un schedario .class es create.
Exhibition
Ante HTML 4.0
In le normas anterior a HTML 4.0, il es possibile mitter un applet in un pagina web per inserer le etiquetta <applet> in le loco ubi vos vole que le applet appare. Le attributo code dona le nomine (non su adresse) del schedario fonte, que ha le extension .class. Le attributos width e height es obligatori.
Ecce un exemplo de utilisation del etiquetta <applet> :
<applet code="xxxx.class" width="100" height="300">
</applet>
</p>
Le attributo codebase (normalisate in HTML 4.0) permitte de indicar la cammino verso le applet. Per exemplo :
<applet code="xxxx.class" width="100" height="300" codebase="../../miappletes/">
</applet>
</p>
In HTML 4.0
In HTML 4.0, un applet es un typo de objecto que debe esser incluse inter etiquettas <object> e </object>. Le attributo codetype precisa que le objecto es un applet. Le attributo classid indica le nomine del applet precedite per le parola clave java:.
Ecce le mesme exemplo in HTML 4.0 :
--- le attributo align es reimplaciate per un indication de stylo (CSS)
<object codetype="application/java" classid="java:xxxx.class" width="100" height="300" codebase="../../miappletes/">
</object>
</p>
Le navigatores recognosce perfectemente le versiones anterior al HTML 4.0.
