Exhibir texto in color

Pro nostre applet, nos debe exhibir 216 quadratos de colores differente. Nos commenciara per apprender como exhibir colores in un applet. Exhibir texto in color es bastante simple. In le passo sequente, nos videra como exhibir rectangulos colorate.

Exhibir texto in un applet

Pro exhibir texto in un applet, se pote utilisar le methodo drawString() in un contexto graphic generate per le methodo paint().
Ecce le processo :

import java.awt.*;
public class applet1 extends java.applet.Applet
{
   public void paint (Graphics g)--- creation de un contexto graphic
   {
   g.drawString("Un texto", 10, 10);--- exhibition del texto inter le virgulettas
   }
}

E ecce le resultato :

Le codice preste al uso

Qualque explicationes

import java.awt.*;

Ille applet utilisa le methodos paint() e drawString() que es in le classe awt : ergo il es necessari "importar" ille classe a fin que ille methodos es disponibile (vide le passo 10 pro le notion de classe).

public class applet1 extends java.applet.Applet

Ille applet ha le nomine "applet1". (Le schedario que vos registra a igitur le nomine applet1.java). Illo es, in le lingua del programmatores, un nove classe, hic declarate "public". Ille classe es un extension del classe Applet : illo utilisa le methodos del classe Applet pro esser exhibite in le navigator.

public void paint (Graphics g)

Le methodo paint() se applica hic a un objecto Graphics appellate g (vos lo nomina como vos vole). Ille methodo es declarate "public" e reinvia nulle valor al resto del programma (void).

g.drawString("Un texto", 10, 10);

Le methodo drawString() exige tres parametros : la catena de characteres, scripte inter virgulettas, que essera designate ; le puncto initial del designo, definite per su abscissa e su ordinata a partir del alto del superficie assignate al applet.

Mitter le texto in color

Mitter le texto in color es multo plus simple : il es sufficiente de adder le methodo setColor() justo ante de designar le catena de characteres.

Le applet deveni :

import java.awt.*;
public class applet2 extends java.applet.Applet
{
   public void paint (Graphics g)
   {
   g.setColor(Color.red);
   g.drawString("Un texto", 10, 10);
   }
}

Ecce le resultato :

Le codice preste al uso

Le methodo setColor()

g.setColor(Color.red);

Ille methodo exige como parametro un objecto Color definiente un color. Le colores predefinite de java es : black, blue, cyan, darkGray, gray, green, lightGray, magenta, orange, pink, red, white, yellow.
Un altere solution es de definir mesme un nove color utilisante su valores RGB : g.setColor(new Color(204,0,0)); ubi (204,0,0) designa un certe color rubre : vide le passo 4.