Utilisar un iteration for()

Le applet que nos vole construer debera designar 216 rectangulos. Cata uno habera un color differente, sed ille 216 colores es definite per le combination de solmente 6 valores.
Naturalmente, nos debe automatisar le processo (si non, le exercitio non esseria multo interessante) per demandar al computator de repeter certe operationes : designar 216 vices un rectangulo, combinar 216 vices le 6 valores RGB...

Le iteration for()

Le instruction for() permitte de demandar al programma de repeter un operation secundo le valor de un variabile. Nos dona al instruction for() le valor initial del variabile, su valor final (= le condition pro que le iteration continua) e le maniera del qual le variabile cambia de un iteration al altere.
Le syntaxe de ille instruction es : for(valor initial del variabile; condition; evolution del variabile)
Per exemplo, for(int i=0; i<300; i=i+1) demanda al programma de executar 300 iterationes. Al prime iteration, le variabile i vale 0 [int i=0] ; quando le valor de i superpassa 299 [i<300], le programma non relancia le iteration ; al cata vice, le variabile i es incrementate de 1 [i=i+1, lo que se scribe equalmente i++ o i+=1].

Ecce une applet que scribe 5 vices le littera A :

import java.awt.*;
public class applet5 extends java.applet.Applet
{
   public void paint (Graphics g)
   {
   g.setColor(Color.red);
   for (int i=0;i<5;i++)
      {
      g.drawString("A",10,10);
      }//for i
   }
}

E ecce le resultato :

Le codice preste al uso

Al contrario de lo que vos forsan crede, ille programma functiona multo ben, sed le litera A ha essite 5 vices designate al mesme loco, ergo illo es visibile solmente un vice.
Pro evitar illo, le disegno del littera debe esser transferite un pauc plus longe a cata vice. Nos debe ergo utilisar un altere variabile que facera variar per exemplo le valor del abscissa.
Le plus simple es de utilisar un specie de contator : a cata iteration, le abscissa essera incrementate de 10, per exemplo.

Ecce le realisation :

import java.awt.*;
public class applet6 extends java.applet.Applet
{
   int abscissa = 10;--- variabile declarate e initialisate
   public void paint (Graphics g)
   {
   g.setColor(Color.red);
   for (int i=0;i<5;i++)
      {
      g.drawString("A",abscissa,10);
      abscissa += 10;--- valor del variabile incrementate
      }//for i
   }
}

E ecce le resultato :

Le codice preste al uso

Il es declarate un variabile abscissa, que es initialisate a 10. Postea, al prime iteration, le littera A es designate non al puncto (10, 10) como antea, sed al puncto (abscissa, 10). Pois que la variabile abscissa vale 10, le programma face le substitution, le puncto initial del designo es ben (10,10).
Postea le variabile es incrementate de 10 [abscissa += 10;], lo que ha pro effecto que al iteration sequente abscissa vale 20 : le programma face le substitution del mesme maniera e le resultato desiderate es attingite, le secunde puncto es (20,10). Et cetera.

Le variabiles

int abscissa = 10;

Un variabile es un specie de cassa vacue que uno postea imple a voluntate. Pro que un variabile existe, il basta de donar lo un nomine e de declarar su typo.
Ecce le regulas de formation del nomines del variabiles :

Le prime character del nomine debe esser un littera inter le characteres ASCII basic (A-Z, a-z), le character de sublineamento (_) o le dollar ($).
Le cetere characteres seque le mesme regula, sed pote etiam esser cifras (igitur : nulle littera accentuate ni signo de punctuation ni spatio).

In le exemplo donnate supra, es declarate le variabile abscissa de typo int, id es numero integre (comprehense inter -2147483648 e 2147483647, codification per 32 bits).
Il es etiam possibile, como hic, simul impler ille cassa per un valor. Le signo = ha igitur le signification : "es implite per le valor sequente", "recipe le valor de".

Le commentarios

}//for i

Le duo barras oblique permitte de inscriber in le programma commentarios, indicationes que auxilia le futur lector a comprehender. Ille commentarios debe esser breve : illos non debe ultrapassar le longitude del linea.
Commentarios plus longe, con un extension de plure lineas, debe esser inscripte inter le etiquettas /* (etiquetta initial) e */ (etiquetta final).
Per exemplo :
/*Iste commentario
se extende super
plure lineas.*/