 |
 |
Facer variar simul le tres colores
Le principio
Nos ha viste que uno pote facer variar un color utilisante un iteration for(). Nos empleara igitur tres iterationes for() pro facer variar le tres colores.
Le idea (satis simplice) que nos realisara es ille : in le initio R e G ha le valor 0, B varia dum sex iterationes. Postea G recipe le valor 51 e B varia de nove dum su sex iterationes. Postea G recipe le valor 102 e B varia de nove dum su sex iterationes. Et cetera, de tal maniera que cata combination ha essite provate.
Le designo hic infra pote vos adjutar a visualisar le processo. Cata linea representa un iteration, igitur un rectangulo de un color particular. Le valores de R, de G e de B cresce de 51 in 51. R cambia 6 vices de valor, G cambia 6 x 6 vices de valor, e B cambia 6 x 6 x 6 vices de valor.
Il resta ora a exprimer isto in Java. Le solution es de inserer le iteration B in le iteration G, que mesme essera inserte in le iteration R. Le resultato es illo :
{
for (int G=0;G<256;G+=51)
{
for (int B=0;B<256;B+=51)
{
...
}
}
}
}
Le applet integre es igitur redacte ita :
public class applet9 extends java.applet.Applet
{
public void paint (Graphics g)
{
int abscissa = 0;
for (int R=0;R<256;R+=51)
{
for (int G=0;G<256;G+=51)
{
for (int B=0;B<256;B+=51)
{
g.setColor(new Color(R,G,B));
g.fillRect(abscissa,0,10,10);
abscissa+=12;
}//for B
}//for G
}//for R
}//paint
}
E ecce le resultato :
Como vos lo vide, le applet exhibi ben lo que nos ha petite, sed omne le rectangulos es designate super le mesme linea : nos debe etiam peter al programma de exhibir le rectangulos super plure lineas. Isto essera le thema de nostre proxime passo.
