Render un applet cliccabile

Nos primo facera reager un applet a un clic de mure. Quando le utilisator cliccara super le zona del applet, un texto apparera.

Nota importante : le codice sequente utilisa le version 1.0 del linguage Java. Le systema utilisate pro le gestion del cliques de mure ha cambiate a partir del version 1.1 del linguage. Totevia, le version 1.0 functiona adhuc perfectemente, e con le navigatores ancian, e con le plus recente.

mouseDown() e mouseUp()

Cliccar es premer un vice super le button del mure (mouseDown), postea laxar lo (mouseUp). Il occurre igitur duo eventos, saepe a duo locos differente, proque le mure se displacia facilemente.
Le methodos mouseDown() e mouseUp() permitte de observar toto illo : le evento mesme e le coordinatas exacte del loco ubi le evento ha occurrite.

Per exemplo :

public boolean mouseUp(Event evt, int x, int y)
{
abscissa = x;
ordinata = y;
return true;
}

Iste fragmento de codice (il non es un applet !) permitte de capturar le abscissa e le ordinata del loco ubi le utilisator ha laxate le button del mure.

Qualque explicationes

boolean

Le methodos mouseDown() e mouseUp() retorna un variabile boolean, id es illos reinvia al applet un del valores true (si, io ha tractate le evento) o false (non, io non ha tractate le evento).

return true;

Le methodo retorna explicitemente le valor true, indicante que illo ha ben tractate le evento.

Un variabile boolean

Si nostre applet pote saper que illo ha recipite un clic, e a qual loco, gratias al methodos mouseDown() e mouseUp(), il es ancora necessari de trovar un medio pro inviar iste information a altere partes del programma.

Un del possibilitates que nos habe es de declarar un variabile boolean [boolean intra;] que pote haber solmente duo valores : true o false. Si le clic occurre, le valor true es attribute a iste variabile.

Ecce le codice del applet :

import java.applet.*;
import java.awt.*;

public class applet11 extends Applet
{
boolean intra;

public void paint(Graphics g)
   {
      if (intra)--- si le variabile intra ha le valor true
      {
      g.setColor(Color.black);
      g.drawString("Si", 10, 50);
      }//if
   }//paint

   public boolean mouseDown(Event evt, int x, int y)
   {
   intra = true;
   repaint();--- le methodo paint() exhibi "Si"
   return true;
   }

   public boolean mouseUp(Event evt, int x, int y)
   {
   intra=false;
   repaint();--- le methodo paint() face nihil
   return true;
   }
}

Clicca super le zona del applet hic infra :

Le codice preste al uso

Ancora qualque explicationes

import java.awt.*;

Nos pete al programma de cercar in un cassa de utensiles : awt = abstract window toolkit. In iste cassa de utensiles, il ha toto lo que es necessari pro gerer le actiones del mure.

if (intra)

Illo es un maniera abbreviate de scriber : if (intra == true).
Le variabile intra ha le valor "true" solmente quando le button del mure es presse intra le zona del applet. Si intra ha le valor "false" (quando le utilisator face nihil, o quando ille laxa le button del mure), le methodo paint() face nihil. Si intra ha le valor "true", le methodo paint() designa le parola "Si".

repaint();

Iste methodo relancia le methodo paint () que es supra in le programma.