Kio estas Xy-pic kaj xymatrix ?

Kiel ŝargi en LaTeX2e ?

Bazaj principoj de xymatrix

Elementoj

Sagoj
• Celindiko
• Stilo
• Kurbigado
• Flanken ŝovado
• Ŝanĝo de deira punkto
• Ŝanĝo de celo
• Trapasanta sago
• Preterpasanta sago

Etikedoj

Kromaj eblecoj

Facilaj ekzemploj el la vera vivo

Sagoj : stilo

La defaŭlta stilo de la sagoj difinas simplan stangon (-) kaj pinton (>).
Oni povas ŝanĝi tiun stilon per la komando @tipo{vosto stango kapo}, kiun oni skribu inter la makroo \ar kaj la celindiko.

Ŝanĝo de kapo

Oni povas uzi la jenan pli simplan formon de la stilkomando @{kapo} por ŝanĝi nur la formon de la pinto de l'sago.

Jen la diversaj valoroj de la parametro kapo :

Kodo	Rezulto		Kodo	Rezulto
\ar@{<}			\ar@{>}
\ar@{<<}			\ar@{>>}
\ar@{|<}			\ar@{>|}
\ar@{|<<}			\ar@{>>|}
\ar@{(}			\ar@{)}
\ar@{/}			\ar@{//}
\ar@{x}			\ar@{+}
\ar@{|}			\ar@{||}
\ar@{o}

Alia ebleco estas elekti alian tiparon por la sagopintoj. Oni povas elekti inter la defaŭlta tiparo (ĉi supraj ekzemploj), la tiparoj Computer Roman kaj Euler. Sed tiu elekto valoras por la tuta tabelo.
La komando, skribenda antaŭ la komando \xymatrix, estas \SelectTips{cm}{} (Computer Modern) aŭ \SelectTips{eu}{} (Euler).

Jen komparaj ekzemploj :

Defaŭlta	Rezulto	cm	Rezulto	eu	Rezulto
\xymatrix{ A \ar[r]&B\\ }		\SelectTips{cm}{} \xymatrix{ A \ar[r]&B\\ }		\SelectTips{eu}{} \xymatrix{ A \ar[r]&B\\ }

Laŭ la manlibro (Xy-pic User's Guide) la dua malplena argumento de tiu komando ebligas precizigi la grandecon de la tiparo : 10, 11 aŭ 12.
Ankaŭ eblas elekti la defaŭltan tiparon per la komando \SelectTips{xy}{}.
Tiuj eblecoj ŝajnas ne funkcii sur la instalaĵo ĉi tie uzata.

Ŝanĝo de stango

Por ŝanĝi la formon de la stango, oni devas uzi la komandon @{stango kapo}, tio estas oni devas precizigi ankaŭ la kapon, eĉ se oni deziras konservi la defaŭltan pinton.

Jen la diversaj valoroj de la parametro stango uzataj kun la defaŭlta pinto :

Kodo	Rezulto		Kodo	Rezulto
\ar@{->}			\ar@{-->}
\ar@{~>}			\ar@{~~>}
\ar@{.>}			\ar@{}

La lasta kodo produktas nevideblan sagon : tio povas esti utila por lokigi etikedon inter du elementoj.

Ekzistas du aliaj eblaj parametroj, kiuj fakte estas mallongigoj de pli komplikita komando :

Mallongigo	Plena komando	Rezulto
\ar@{=>}	\ar@2{->}
\ar@{:>}	\ar@2{.>}

Aldono de vosto

Por aldoni voston (komencan pinton) al sago, oni uzu la preskaŭ plenan stilkomandon @{vosto stango kapo}.
La parametro vosto povas ricevi la samajn valorojn kiel la parametro kapo : vidu ĉi supre.

Ekzemploj :

Kodo	Rezulto		Kodo	Rezulto
\ar@{<->}			\ar@{)->}
\ar@{o->}			\ar@{|=>}

La parametro tipo

La parametro tipo, se ne malplena, povas ricevi la valorojn ^ (nur la supra parto de l'sago ricevas voston kaj kapon), _ (nur la malsupra parto de l'sago ricevas voston kaj kapon), 2 (duobla stango) kaj 3 (triobla stango).

Ilustraĵoj :

Kodo	Rezulto		Kodo	Rezulto
\ar@^{<->}			\ar@_{)->}
\ar@2{o->}			\ar@3{|=>}

Pli komplikitaj eblecoj

Kiel vi ĉi supre vidas, la valoroj ^ kaj _ de l'parametro tipo ŝanĝas kaj la voston kaj la kapon. Sed oni ankaŭ povas ŝanĝi nur la voston aŭ nur la kapon uzante la komandon tipo{vosto} aŭ tipo{kapo} interne de la stilkomando @{}.
Ekzemple, por ŝanĝi la tipon de nur la vosto de sago, oni uzu tiun komandon : @{tipo{vosto} stango kapo}.

Ilustraĵoj :

Kodo	Rezulto		Kodo	Rezulto
\ar@{^{(}->}			\ar@{(-^{>}}
\ar@{_{(}->}			\ar@{(-_{>}}

Tiu sintakso havas alian avantaĝon : oni povas uzi la kapovalorojn (= la vostovalorojn) kiel stangovalorojn. Sufiĉas meti en la loko de la parametro stango la komandon tipo{kapo}, tiel : @{vosto tipo{kapo} kapo}.
Kompreneble la parametro tipo povas esti malplena, produktante la defaŭltan simplan tipon de stango (sed kun la elektita kapovaloro).
En la loko de la parametroj vosto kaj kapo oni ankaŭ povas uzi malplenan vinkuloparon {} por signifi, ke la sago havu neniun voston aŭ/kaj neniun kapon.

Eksperimentaj ekzemploj :

Kodo	Rezulto		Kodo	Rezulto
\ar@{^{(}_{(}^{(}}			\ar@{{}{+}{}}
\ar@{{}-{}}			\ar@{{)}{o}{)}}

Alia avantaĝo de tiu sintakso estas, ke oni disponas kromajn valorojn por ĉiu parametro. Jen tiuj valoroj uzataj por la parametro kapo :

Kodo	Rezulto		Kodo	Rezulto
\ar@{{}{.}{|-}}			\ar@{{}{.}{*}}
\ar@{{}{.}^{|-}}			\ar@{{}{.}^{'}}
\ar@{{}{.}_{|-}}			\ar@{{}{.}_{'}}
\ar@{{}{.}{|=}}			\ar@{{}{.}^{`}}
\ar@{{}{.}3{|-}}			\ar@{{}{.}_{`}}

Uzo de objekto

Objekton konsistigas iu ajn LaTeXa matematika aŭ teksta elemento.
Por enkonduki objekton, oni uzu la simbolon * : ĝin sekvas aŭ matematika tajpaĵo inter vinkuloj (ekzemple : *{frac{1}{2}), aŭ kadra komando (vidu : Kadroj ĉirkaŭ elementoj) aŭ la makroo \txt{}, kiu enkondukas iun ajn tekston, aŭ la makroo \composite{elemento1 * elemento2}, kiu utilas por fabriki supermetitajn objektojn.

Oni rajtas uzi tian objekton en la loko de la parametroj vosto, stango aŭ kapo per la sintakso \ar@tipo{vosto stango kapo}

Ekzemploj :

Kodo	Rezulto
\ar@{{}{.}*\txt{a}}
\ar@{{}*\txt{a}{|-}}
\ar@{{}{.}*\composite{\txt{O}*\txt{.}}}
\ar@{{}*\composite{\txt{O}*\txt{.}}{}}
\ar@{{}{.}*{\frac{1}{2}}}
\ar@{{}*{\frac{1}{2}}{}}