Kio estas Xy-pic kaj xymatrix ?

Kiel ŝargi en LaTeX2e ?

Bazaj principoj de xymatrix

Elementoj

Sagoj
• Celindiko
• Stilo
• Kurbigado
• Flanken ŝovado
• Ŝanĝo de deira punkto
• Ŝanĝo de celo
• Trapasanta sago
• Preterpasanta sago

Etikedoj

Kromaj eblecoj

Facilaj ekzemploj el la vera vivo

Sagoj : kurbigado

Bazaj komandoj

La sagoj defaŭlte estas rektaj.
Oni povas kurbigi ilin maldekstren per la komando @/^/, kaj dekstren per @/_/.

Ekzemplo :

\xymatrix{
A \ar @/^/ [r]&B }

La rezulto estas :

Dua ekzemplo :

\xymatrix{
A \ar @/^/ [r] \ar @/_/ [rr]&B&C \ar @/_/ [l]
}

La rezulto estas :

Kiel vidite sur la ĉi supra ekzemplo, la komando @/^/ povas kurbigi sagon alten aŭ malalten, depende de la direkto de la sago.
Fakte, oni devas imagi, ke la sago rigardas al sia celo, kaj ke ĝi kurbiĝas maldekstren per la komando @/^/ kaj dekstren per la komando @/_/. "Dekstren" kaj "maldekstren" ricevas ĉi tie signifon el la vidpunkto de la sago mem, ne el la vidpunkto de la homo, kiu rigardas la sagon !

Eble la ĉi suba desegnaĵo helpos por kompreni :

Precizigo de la kurba valoro

Oni povas precizigi la mezuron de la kurbigo uzante la mezurunuojn de LaTeX. Tiu precizigo estu skribita ĝuste poste la signo _ aŭ ^ en la kurbiga komando.

Ekzemplo :

\xymatrix{
A \ar @/^1cm/ [r]&B }

La rezulto estas :

Precizigo de la deira kaj alvena punktoj

Per la komando @(dp, ap), kie dp signifas "deira punkto" kaj ap "alvena punkto", oni povas precize difini, el kie la sago devas foriri, kaj kien ĝi devas alveni.
La valoroj de dp kaj ap devas esti : u (up), ur (up right), r (right), dr (down right), d (down), dl (down left), l (left), ul (up left), laŭ la jena skemo :

Ekzemplo, en kiu la deira kaj alvena punktoj havas la valoron u :

\xymatrix{
A \ar @(u, u) [r]&B
}

La rezulto estas :

Specialaj ekzemploj, en kiuj la celindiko estas malplena : [], kio signifas, ke la sago revenu al la deira elemento :

\xymatrix{ A \ar @(ul, dl) [] }	\xymatrix{ A \ar @(ur, dr) [] }